Um eg kundi kvøðið
kr. 15.00
| Fyrsta regla | Um eg kundi kvøðið |
| Heiti | |
| Niðurlag | |
| Tekstur | J.H.O. Djurhuus |
| Lag | Petur Alberg |
| Nótaslag | Tekstur / lag / talseting |
1. Um eg kundi kvøðið
hjartalongsil mín,
allar duldar sangir,
elskaða, til tín.
2. Um eg kundi grátið
eina náttarstund,
meðan blíðir andar
tær veittu sælan blund.
3. Grátið kvirt og leingi –
vakna ikki, fljóð,
yvir fornar fannir
vil eg gráta slóð.
4. Gráta fram tær blómur,
horvnar undir snjó,
elskaða, tær anga –
tær nørdu hjartablóð.
5. Um eg kundi teskað:
„Vakna, álvan mín,
summarsblómur fríðar
græt eg fram til tín!“
6. Tá mær vildi bleika
sorgarbrosið títt
– ljósnandi umsíðir –
lovað summar nýtt.
